Ek dukaan se 1200 gharon tak

Kurla ki galiyon se shuru hua tha

2007 me Nehru Nagar ki ek chhoti si shop se kaam shuru hua tha — do plastic chairs, ek register aur mohalle ke logon ka bharosa. Us waqt Kurla East ko koi "premium" nahi kehta tha.

Aaj LBS Marg par 40-manzil ke tower khade hain, metro line 4 chal padi hai, aur BKC 15 minute door hai. Hum wahi log hain jo shuru se yahan hain — isliye jab koi poochta hai ki "is building me paani ka issue to nahi?", jawab andaaze se nahi, anubhav se aata hai.

Humne kabhi khud ko broker nahi mana. Broker deal karata hai. Consultant batata hai ki deal karni bhi chahiye ya nahi. Kai baar humne clients ko mana kiya hai — aur wahi log do saal baad wapas aaye hain.